前言

前言

   筆者行山長期有行山，最初目的想識吓人。可惜，筆者步伐慢，未能追上主車群。不過，被主車群大幅拋離後，筆者發覺一個人行山又幾正喎，於是索性筆者一個人行山，個個星期六如是。筆者又鐘意將行山相片掟上Facebook度，於是又吸引另一班朋友同筆者一齊行山。最初行完山都幾Dry，無安排食野，之後進化了。仲引伸出行山組口號：「消耗五百，食返一千！」食盡大江南北。

以前行山，一直以廿四節氣中的「小滿」為限，放暑假，直到天氣涼爽恢復。某一個熱天的星期六，筆者食飽飯無野做等屎痾又腳痕痕，獨自行山去，感受下點解啲人行山中暑。行完之後，發現又無乜野，發現最重要個搞手點訂條路線，有無樹蔭蓋頂、路線短、早出發、午時前落山去食野。大家開心，輕鬆!

Mo

2019年1月17日

（相片拍攝於河背水塘）